+17 °С
Болотло
Йәшен ҡайтарғыс
(Остазым Рәми Ғариповты иҫкә төшөрөп)
Яуа йәш ҡар.
Ята ҡартлас Ҡашҡар,
Үлем тулғағында тартышып.
Рәми Ғарипов.
Cебештәрең кеүек, тотам ҡалмай,
Йөрөгәйнек әле һис аңламай,
Һеҙгә төшкән ауыр, зарлы йөктө,
Белмәнек тә - алда ниҙәр көттө?
Cтәрле урамдары хәтерләйҙер
Һинең йомшаҡ, талғын тауышыңды,
Йылмайыуҙар аша һағышыңды,
Ҡара көстәр менән алышыңды.
Күңелеңә бер аҙ ял алырға
Килә инең һағынып Cтәрлегә.
Инселәп тә һомғол ҡушҡайынды,
Бара инең уның эргәһенә.
Бурап-бурап ҡарҙар яуған кистә
Ҡаршыларбыҙ төҫлө вокзалдарҙа.
Ҡул эҙҙәрең - ҡайын туҙҙарында,
Йөрәктәрҙә һинең йылың ҡалған.
Ғазап тулы ҡартлас Ҡашҡар булып,
Һыҡтай һаман, ағай, беҙҙең күңел.
Һин булғанһың йәшен ҡайтарғыс та,
Прометей ҙа - ғүмерең бушҡа түгел!
Мәрйәм Күсмәева.