- Гәзит уҡыусыларҙы һеҙҙең коллектив менән дә яҡынданыраҡ таныштырып китәйек.
- Иң беренсе шуны әйтер инем: беҙҙә осраҡлы кешеләр юҡ һәм бында килгәндәр оҙаҡҡа ҡала, сөнки улар үҙ эшенә ғашиҡтар. Директорыбыҙ Григорий Николаевич Кормаков командаға дөрөҫ йүнәлеш һәм тулы ижади ирек бирә. Беҙ уның менән үҙебеҙҙе һәр саҡ яҡлаулы тоябыҙ. Дикторыбыҙ Фәимә Ғайсинаны белмәгән кеше юҡ, оҙаҡ йылдар эшләгән хеҙмәткәр булараҡ, үҙ тәжрибәһен башҡалар менән ихлас бүлешә, ярҙамлаша. Яңылыҡтар менән таныштырыусы, шулай уҡ радио дикторы Наталья Чернова ла тиҙ арала телевидение эшенең нескәлектәренә төшөндө һәм «Сатурн»дың алыштырғыһыҙ хеҙмәткәренә әйләнде. Күптән түгел эш башлаған өмөтлө хәбәрсебеҙ Алина Аҡсурина ла йәш булыуына ҡарамаҫтан, эшен белеп һәм яратып башҡара. Оператор һәм монтажсы егеттәребеҙ Радик Табаев, Павел Банокин, Сергей Петров, Дмитрий Быковтарҙың тырышлығы һәм һөнәри оҫталығы баһалап бөткөһөҙ. Уларҙың барыһы ла телевидение менән «сирләгән» кешеләр.
Әңгәмәне тулыһынса гәзиттең 46-сы һанында уҡығыҙ.