Тос фекер, үткер ҡәләм һеҙгә!

Яратҡан гәзитебеҙ “Көнгәк”те юбилейы менән ихлас күңелдән ҡотлайбыҙ! Был юбилей - гәзитте булдырған һәм сығарыуҙа ҡатнашҡан редакция хеҙмәткәрҙәренең, уны уҡыған Мәләүез халҡының ҙур байрамы. Гәзит тормошобоҙҙоң айырылғыһыҙ юлдашына әүерелгән. Ваҡытлы матбуғаттың да яҙмышы тигеҙ генә бармай, үҙгәрештәр кисерә, әммә гәзит үҙ йөҙөн юғалтмай. Уның бурысы - район тормошон, унда йәшәгән халыҡтың уңышын сағылдырыу, халыҡты борсоған проблемаларҙы күтәреп сығыу. Журналистарға районыбыҙҙың барлыҡ ауылдарында булырға, район халҡы, ауыл хужалығы эшсәндәре тураһында мәҡәләләр яҙырға тура килә. Уларға йөрөгән юлдарында яҡшы кешеләр генә осрап торһон, ҡәләмдәре үткер, яҙмалары тос фекерле, фәһемле булһын. Яңы үрҙәр һеҙгә! Әхәт ИБРАҺИМОВ, фермер.

Тос фекер, үткер ҡәләм һеҙгә!