2023 йылдың тәүге эш аҙнаһына 6 меңдән ашыу мөрәжәғәтен теркәгән

Комментарийҙарҙың күбеһе торлаҡ-коммуналь хеҙмәттәр темаһына (1232). Кешеләрҙе йылытыу сифаты (309), коммуналь түләүҙәр (98), шулай уҡ электр энергияһы етмәү борсой (94).

Электр энергияһын һүндереү мәсьәләләрен айырым анализлағандар. Һуңғы аҙнала был темаға мөрәжәғәттәрҙең күбеһе Иглин районынан (66), Өфө (36) һәм Өфө районынан (25) килгән.

Радий Хәбиров Өфөлә һәм республика райондарында электр энергияһын һүндереү мәсьәләләрен хәл итеү буйынса эш барышы тураһында халыҡҡа брифинг ойошторорға һәм хәбәр итергә ҡушты.

Мәғлүмәттәр буйынса, юлдар темаһына мөрәжәғәттәр аҙыраҡ — 808 хәбәр бар. Был көслө ҡар яуыу осоро үтеүе, республика тораҡ пункттарында юлдарҙың таҙартылыуы һәм ҡар яуыуы менән аңлатыла.

9 ғинуарҙан 15 ғинуарға тиклем социаль селтәрҙәрҙә йәшәүселәрҙең мөрәжәғәттәр һаны буйынса тәүге 5 темаға шулай уҡ төҙөкләндереү (796), йәмәғәт транспорты (573) һәм социаль хеҙмәттәр (435) ингән.