Башҡортостан 2022 йыл йомғаҡтары буйынса Милли туристик рейтинг лидерҙары төркөмөнә инде

"Былтыр ғинуарҙан ноябргә тиклем республикаға 1,7 миллион турист килгән, быйыл инде 2 миллион көтәбеҙ.

Беҙ социаль, ваҡиға, этнотуризмды үҫтерәбеҙ. Беҙ үҙебеҙҙең программаларҙы — мәктәп һәм сәнәғәт туризмын башлап ебәрҙек, "Башҡорт оҙон ғүмерлелеге" сиктәрендә оло быуын Башҡортостан буйлап әүҙем сәйәхәт итә. Беҙ юл буйында хеҙмәтләндереүҙе үҫтерәбеҙ, ҡунаҡханаларыбыҙ кимәлен ҡәтғиләштерергә, рекламаны нығытырға кәрәк.

Үҫергә лә урын бар, республика иң популяр төбәктәр иҫәбенә инергә һәләтле. Беҙҙә уникаль тәбиғәт, бай мәҙәни-тарихи мираҫ, шифаханалар, саңғы үҙәктәренең үҫешкән селтәре бар.

Иң мөһиме - системалы эш. Туризм өлкәһе иҡтисадыбыҙҙың байтаҡ өлөшө булып тора, шуға күрә беҙ артабан да был мәсьәләне уйланылған, көсөргәнешле һәм эҙмә-эҙлекле хәл итәсәкбеҙ," - ти социаль селтәрҙә Радий Хәбиров.