Рәсәй почтаһы яңы хеҙмәтте яйға һалды

Әммә мөһим шарт бар — алыусы телефон номеры буйынса тапшырыу хеҙмәтен ғәмәлгә индереүгә ризалыҡ бирергә тейеш.

Хеҙмәтте Рәсәй почтаһының сайтында йәки мобиль ҡушымтаһында ғәмәлләштерергә мөмкин. Әгәр ҡулланыусының ябай электрон ҡултамғаһы булһа, хеҙмәт шул мәлендә ғәмәлләшә. Ҡултамғаны шулай уҡ Дәүләт хеҙмәттәре аша рәсмиләштерә алаһығыҙ.

Бындай посылка талап ителгәнгә тиклем, тигән иҫкәрмә менән ебәрелә. Хеҙмәт үҙе һәм уны ғәмәлләштереү – бушлай. Клиент тапшырған өсөн стандарт тарифтарҙы ғына түләй.

Алыусыға посылка адресаттың профилендә күрһәтелгән адресы беркетелгән почта бүлексәһендә тапшырыла.

Тулыраҡ мәғлүмәт — Почта сайтында