Юлдар - йәшәү артерияһы

Йомаҡ ауылы йылдан-йыл күҙгә күренеп ыңғай яҡҡа үҙгәрә: яңы йорттар барлыҡҡа килә, халыҡ төҙөкләндереүҙә, тирә-яҡты тәртиптә килтереүҙә әүҙем ҡатнаша.

Ошо көндәрҙә лә урам ауыр техника эшләүенән гөрләп торҙо. «Урындағы башланғыстарҙы яҡлау» программаһында ҡатнашып Йомаҡтар юлды ремонлауға өлгәште. Был эшкә, әлбиттә, республика бюджетынан аҡса бүленә, ауылдаштар ҙа, сит тарафтарҙа йәшәгән яҡташтар ҙа был изге эштән ситтә ҡалманы - үҙ өлөштәрен индерҙе. Урындағы фермерҙар Александр Крючин, Владимир Артемьев, Әмир Зөбәйеровтарҙың да ярҙамы ҙур булды.