Төклө аяғығыҙ менән, сабыйҙар!

Әсәләр көнө алдынан бала табыу йортонан әсәйҙәрҙе тантаналы сығарыу изге йолаға әүерелгән.

Алена һәм Евгений Барановтар, Элина һәм Геннадий Запрягайлолар икеләтә ҡыуаныс кисерҙе. Йәш ғаиләләрҙә беренсе ҡыҙҙар ауаз һалды.

Район Хакимиәте башлығы Рөстәм Шәмсетдинов, уларҙы тормоштарындағы мөһим байрам менән тәбрикләп, бәләкәстәргә бәхетле бала саҡ, атай-әсәй, яҡындарының һөйөү һәм хәстәрен тойоп, республикабыҙҙың тулы хоҡуҡлы граждандары булып үҫеүен теләне һәм район Хакимиәте исеменән бүләкләне.