Мөхәббәт һәм тоғролоҡ байрамы

Рәсәйҙә ғаилә, мөхәббәт һәм тоғролоҡ көнө билдәләнде.

Байрамда оҙаҡ һәм татыу йәшәгәндәргә “Мөхәббәт һәм тоғролоҡ өсөн” миҙалы тапшыралар.

Был көндө никахҡа ингәндәр оҙаҡ һәм бәхетле ғүмер кисерәсәк, тигән юрау бар.

Мәләүездә лә Ғаилә, мөхәббәт һәм тоғролоҡ көнөнә арналған байрам саралары айҡанлы йәш ғаилә Айгөл һәм Рауил Рафғутдиновтарҙың никахы теркәлһә, оҙаҡ йыл бергә йәшәгән Валентина Ивановна һәм Константин Георгиевич Сахаровтарға “Мөхәббәт һәм тоғролоҡ” миҙалы, БР Башлығы вазифаһын ваҡытлыса башҡарыусы Радий Хәбиров исеменән Рәхмәт хаты тапшырылды.

Район Хакимиәтенең социаль мәсьәләләр буйынса урынбаҫары Александр Шлычков, ЗАГС бүлеге начальнигы Лилиә Менчикова парҙарға бәхет, именлек, мөхәббәт теләне.