«Йәшел Башҡортостан» ға беҙҙекеләр ҙә ҡушылды

25 апрелдә республикала «Йәшел Башҡортостан» акцияһы старт алды. 30 апрелгә тиклем дауам иткән сара сиктәрендә барлыҡ ҡала һәм ауыл биләмәләрендә ағастар ултыртыласаҡ.

Был күркәм сараға беҙҙең район да ҡушылды. Йәмәғәт ветерандар ойошмаһы вәкилдәре, Мәләүез ҡала советы депутаттары һәм район етәкселеге ҡаланың Юрий Гагарин исемендәге паркында шыршы, йүкә, миләш ағасы үҫентеләре ултыртты.

Башҡа йылдарҙа был күркәм сара күмәк кеше ҡатнашлығында уҙһа, быйыл ундай өмәләр ойошторолмай, әммә һәр теләгән кеше акцияға ҡушылып, үҙ биләмәһендә ағас ултырта, тыуған ерен йәшелләндереүгә үҙ өлөшөн индерә ала.