Бушлай битлектёр таратылды

«Ярҙамға - битлек” акцияһы сиктәрендә муниципалитеттар халыҡҡа бушлай битлек таратыуҙы ойошторҙо. Республика буйынса уҙған был саранан беҙҙең район да ситтә ҡалманы. Битлек таратыу пункттары халыҡ күпләп йөрөгән урындарҙа, ҙур сауҙа үҙәктәре янында урынлашты. Үҙ теләге менән ирекмәндәр сафына баҫҡан йәштәр халыҡҡа бөтәһе 4100 битлек таратты, аңлатыу эштәре лә алып барҙы. Битлек режимын граждандар аңлап ҡабул итә, шуға күрә лә уларҙың һәр ҡайһыһы һаҡланыу сараһын алып ҡалырға ашыҡты.