"Ҡайын тракты" проекты тормошҡа ашырыла

“Берҙәм Рәсәй” партияһының “За­ман­са ҡала мөхитен формалаштырыу” федераль программаһына ярашлы, үткән йыл һигеҙ йәмәғәт биләмәһе файҙаланыуға тапшырылды. Ҡалала “Ғаилә”, “Йәштәр” скверҙары, Мәләүез йылғаһы яры, Туғайлы һәм Йәштәр биҫтәләрендә ял майҙансыҡтары, шулай уҡ Корнеевка ауылында “Йәштәр” аллеяһы, Нөгөштә “Һаулыҡ”, Воскресенскиҙа “Тыл хеҙмәтсәндәре һәм һуғыш балалары” скверҙары асылды.Милли проекттар буйынса төҙөкләндереү дауам итә. Спорт һарайы ҡаршыһында йылға буйын халыҡ яратып та өлгөрҙө, әммә бында башҡараһы эш күп әле. Спорт һөйөүселәр “Спартак” стадионы асылыуын да түҙемһеҙлек менән көтә. Бөгөн ҡаланың Үҙәк майҙанында эш гөрләй. Федераль программа сиктәрендә башланған“Ҡайын тракты” проекты мәләүездәрҙе тулҡынландырҙы, был масштаблы төҙөлөш ҡалабыҙға айырым үҙенсәлек, күркәмлек бирер, тип өмөт итәбеҙ.