Ҡышҡа әҙерлек әүҙем бара

Һалҡындар башланыуға аҙ ғына ваҡыт ҡалып бара. Көҙгө көндәрҙе ҡышҡы һалҡындар алмаштырасаҡ. Йорттарға йылы биреүгә әҙерлек әүҙем бара. Районда бөтәһе 37 ҡаҙанлыҡ иҫәпләнә, уларҙың 10-һы ҡалала, 27-һе районда урынлашҡан. Йылылыҡ сезонына әҙерлек ҡаланың Маяковский урамында, Спорт һарайы янында, Үрге Юлдаш, Ергән ауылының Советская урамында торошо насар булған, сафтан сыҡҡан торбаларҙы алмаштырыуҙан башланған.

Ҡаланың үҙәк майҙанында ла полиуретан изоляция ҡулланып, заманса технологиялар менән йылылыҡ селтәре ремонтлана. Был алым торбаларҙағы йылыны һаҡлау һәм уларҙың ҡулланыу ваҡытын оҙайтыу өсөн ҡулай.

Ҡышҡы сезонға әҙерлек 15 сентябргә тамамланырға тейеш. Йорттарға йылы һауа шарттарына ҡарап, иң беренсе сиратта балалар баҡсаларына, мәктәптәргә, дауаханаларға биреләсәк.