Беҙ белмәгән серле донъя

Тейен ҡышҡылыҡҡа бик күп ағас орлоғо йыя ла ҡайҙа ҡуйғанын онота икән. Ана шул орлоҡтарҙан миллиондарса ағас үҫеп сыға. Тейен - иң шәп урман үҫтереүсе булып сыға, шулаймы?

Ҡарғалар шул ҡәҙәр аҡыллы ҡоштар, улар хатта шаярта ла белә, имеш. Эттең артынан тауышһыҙ ғына осоп киләләр ҙә, ҡойроғона ҡағылып үтәләр, үҙҙәренсә үртәйҙәр. Тик бына эт кенә ҡарғаларҙың шаярғанын дөрөҫ аңламаҫҡа мөмкин.

Ҡырмыҫҡалар бер ҙә йоҡламайынса йәшәйҙәр, көнөнә бер-ике минут ял итеп алһа, ҡалған ваҡытты гел эштә үткәрәләр . Ниҙәр генә эшләп бөтәләр икән?