Изге йома көнө менән!

Бөгөн 29 ғинуар (һыуығай), йома, йомадиәл ахыр (جمادى الآخر) айының 16-сы көнө. Ҡояш 9 сәғәт 13 минутта ҡалҡты, 17 сәғәт 44 минутта байый. Көн оҙонлоғо – 08 сәғәт 31 минут. Был көн тарихта.❗Утлы Ерҙең иң көньяҡ сигендәге нөктә - Горн мороно асыла (1616)❗АҠШ гражданствоһы тураһында закон ҡабул ителә – бынан һуң тик был илдә биш йыл йәшәгәндән һуң ғына Америка гражданины булырға мөмкин була (1795)❗Харьков милли университеты асыла (1804)❗Рәсәйҙә тәүге аэроклуб асыла (Санкт-Петербург; 1908)❗Башҡорт йәштәре гәзите «Йәш юксыл» (хәҙер «Йәшлек») сыға башлай (1923)❗Башҡортостан Республикаһы Хөкүмәте һәм Краснодар крайы Хакимиәте араһында Сауҙа-иҡтисади, фәнни-техник, мәҙәни хеҙмәттәшлек тураһында килешеү төҙөлә (1999) ????Тыуған көндәр. Рус яҙыусыһы һәм драматургы , белеме буйынса табип Чехов Антон Павлович (1860 – 15.07.1904), этнограф, антрополог, археолог, географ һәм гидролог, башҡорттарҙың этнографияһы һәм антропологияһы, хужалығы һәм ырыу-ҡәбилә ҡоролошо тураһындағы хеҙмәттәр авторы Руденко Сергей Иванович (1885—16.07.1969), ғалим-тарихсы Буканова Роза Ғафар ҡыҙы (1950), мәҙәниәт эшмәкәре Исмәғилев Рәйес Абдрахман улы (1953), журналист, шағир, прозаик Әхмәр Үтәбай (1960), шағир, драматург һәм журналист Салауат Әбүзәр (1967) һ.б. Байрамдар.