Ихтыяр көсөн туплап, яңы еңеүҙәргә

Аяҡлылар етмәгән үрҙәр яулаған Рөстәмдең ихтыяр көсө үҙ аяғында йөрөгәндәргә тормошҡа зарланырға урын ҡалдырмай. Рәсәйҙең иң бейек нөктәһе Эльбрусты яулаған көслө рухлы, ауырлыҡтарға бирешмәҫ яҡташыбыҙ Рөстәм Нәбиев Чо-Ойю тауын яуларға йыйыныуы хаҡында белдергән. Тауҙың бейеклеге - 8201 метр, ул бейеклеге буйынса Гималай массивында - бишенсе, ә донъялағы иң бейек тауҙар араһында алтынсы булып тора. "Әле арҡамды нығытыу өсөн күнекмәләргә йөрөйөм. Апрель-майҙа ныҡлы әҙерлек буласаҡ", - тип яҙған үҙенең сәхифәһендә.

Фото: интернеттың асыҡ сығанаҡтарынан.