Бөгөн илебеҙҙә тәрбиәселәр һөнәри байрамын билдәләй

27 сентябрҙә илебеҙҙә тәрбиәселәр һөнәри байрамын билдәләй

Ул 2004 йылда Рәсәй педагогик баҫмалар инициативаһы менән ойошторолған һәм күп кенә мәктәпкәсә белем биреү программалары авторы, балалар баҡсалары педагогтары һәм ата-әсәләр тарафынан хупланған. Дата 1863 йылда Санкт-Петербургта беренсе балалар баҡсаһы асылыуға бағышланған. Рәсәй Федерацияһы хөкүмәтенең 2016 йылдың 18 апрелендәге күрһәтмәһе менән әлеге байрам дәүләт кимәлендә билдәләнде. Шул уңайҙан мәктәпкәсә белем биреү учреждениеһы хеҙмәткәрҙәрен, хеҙмәт ветерандарын, бар күңелдән һөнәри байрамдары – тәрбиәселәр көнө менән ҡотлайбыҙ. Тәрбиә хеҙмәте – ауыр һәм фиҙакәр хеҙмәт, ҙур оҫталыҡ һәм күңел йылыһы талап итә.  Балаға әхлаки тәрбиә биреү - тәрбиәсенең төп бурысы.