Хеҙмәтенә күрә - хөрмәте

“Буранда ҡалаға барып өлгөрмәйбеҙ!” башында шундай уй йүгергән, арҡаһы буйлап ҡара тир аҡҡан, тулҡынланыуынан күҙ алды ҡараңғыланып киткән Лилиә, тулғаҡ тотҡан ҡатынды тынысландырырға тырышып, үҙ өйөнә индерҙе, карауатҡа һалды ла, мейес плитәһендәге һыулы кәстрүлгә ҡайсы, скальпель ҡайнатырға һалды, стерилле  салфетка әҙерләне.  Ауырлы ҡатындың битенән һыйпап, рухын күтәрергә, тынысландырырға тырышты. Бер аҙҙан яҡты донъяға килгән сабыйҙың нәҙек кенә  ауазы яңғыраны...