Алимент түләмәгән өсөн хөкөм ителде

Мировой судья 38 йәшлек иргә ҡарата ғәйепләү ҡарары сығарҙы.

Ул балаһына алимент түләмәгәне өсөн ғәйепләнә. Тикшереү версияһы буйынса, иргә 2015 йылдың июнендә балиғ булмаған улына алимент түләү бурысы йөкмәтелә. Тик суд приставтары бер нисә тапҡыр иҫкәртеүгә ҡарамаҫтан, алимент түләмәгән. Бының өсөн мировой суд ҡарары менән мәжбүри эш төрөндә административ яуаплылыҡҡа йәлеп ителә. Әммә был сара ла уға тәьҫир итмәй, ул алимент түләмәүен дауам итә. Һөҙөмтәлә ярты миллиондан ашыу бурысы барлыҡҡа килә.

Суд уны эш хаҡының 10 процентын дәүләткә тотоп ҡалыу менән 5 айға холоҡ төҙәтеү эшенә хөкөм итте.