Бөтә яңылыҡтар
Хәүефһеҙлек мәктәбе
3 Апрель 2018, 13:03

Эскән килеш руль артына ултырған өсөн енәйәт яуаплылығы ҡаралған

2017 йылда һәм быйыл йыл башынан райондың 6 гражданы иҫерек килеш транспорт сараһы менән идара иткәне өсөн иркенән мәхрүм ителде.

2017 йылда һәм быйыл йыл башынан райондың 6 гражданы иҫерек килеш транспорт сараһы менән идара иткәне өсөн иркенән мәхрүм ителде.
2015 йылдың 1 июленән эсеп рулгә ултырған өсөн енәйәт яуаплылығын ҡараған РФ Енәйәт кодексының 264.1-се статьяһы үҙ көсөнә инде. Эскән килеш транспорт сараһы менән идара иткәне өсөн административ яуаплылыҡҡа тарттырылған кешегә икенсе осраҡта енәйәт яуаплылығы билдәләнә.
Был енәйәт өсөн, 2 йылға иркенән мәхрүм итеү төрөнә тиклем, бер нисә төрлө яза ҡаралған. Яза ҡәтғиләнеүенә ҡарамаҫтан, районда эсеп руль артына ултырыусылар һаны арта. Мәҫәлән, былтыр - 104, быйыл 27 кеше енәйәти яуаплылыҡҡа тарттырылды. Уларға мәжбүри эш төрөндә яза бирелде, 6 кеше иркенән мәхрүм ителде. Бынан тыш, уларҙың бөтәһенә лә 2-нән 3 йылға тиклем транспорт сараһын идара итеүгә бәйле эшмәкәрлек менән шөғөлләнеүҙе тыйыу төрөндә өҫтәмә яза бирелде.
Ринат Йосопов, район-ара прокурор ярҙамсыһы.