Президент Указға ҡул ҡуйҙы

Владимир Путин иҫерек водитель ғәйебе менән үлемесле юл фажиғәһе өсөн енәйәт яуаплылығын көсәйтеү тураһындағы указға ҡул ҡуйҙы. Документҡа ярашлы, юл-транспорт ваҡиғаһында һаулыҡҡа ауыр зыян килтерелгән осраҡта иҫерек водителгә 3-7, кеше ғүмере өҙөлһә, 5-12 йылға тиклем иркенән мәхрүм итеү янай. Ике һәм унан да күберәк кеше һәләк булған өсөн «иҫерек» юл-транспорт ваҡиғаларында ғәйеплеләргә 8-15 йыл ҡаралған. Рәсәй Федерацияһы Енәйәт кодексының 264-се статьяһының 2-се, 4-се һәм 6-сы бүлектәренә тейешле төҙәтмәләр индерелде. Бер үк ваҡытта Рәсәй Федерацияһы Енәйәт кодексының 263-сө статьяһына төҙәтмәләр менән йәмәғәт, тимер юл, һауа, диңгеҙ һәм эске һыу транспорты менән идара итеүселәргә лә санкциялар көсәйтелә.