Конгэк
-10 °С
Болотло
75 лет Победы
Бөтә яңылыҡтар
Хәүефһеҙлек мәктәбе
12 Сентябрь 2019, 19:01

Шаурма ашап ағыуланғандар

Хәҙерге заманда бер кемгә лә ваҡыт етмәй, балалар, йәше, ҡарты аяҡ өҫтө ашауҙы ғәҙәт итеп алған.


Хәҙерге заманда бер кемгә лә ваҡыт етмәй, балалар, йәше-ҡарты аяҡ өҫтө ашауҙы ғәҙәт итеп алған.

Урамдарҙа бәшмәк кеүек бик тиҙ таралған шаурма киоскыларынан таралған тәмләткестәр еҫе арбай барыһын да. Ниндәй иттән, нисек әҙерләнә, әҙерләүселәр медицина тикшереүе үткәнме – ошолар тураһында балалар уйламаһа ла, ололар хәүефләнергә тейеш бит. Өфөлә 15 кеше, шул иҫәптән 5 бала, шаурма ашап ағыуланып дауаханаға эләккән. Беренсел медицина тикшереүенән һуң, шаурма ашауҙары асыҡлана. 12 сентябргә бишеһенең сәламәтлек торошо “ауыр хәлдә” тип билдәләнә, шул иҫәптән 4 бала һәм 1 өлкән йәштәге кеше. 9 кешенең хәле уртаса.

Роспотребнадзорҙың төбәк идараһы һәм тикшереү органдары күпләп кеше ағыуланыу осрағы буйынса тикшереү эше башлаған. Бәлә тыумағанда саң ҡағырға кәрәк, әлбиттә, етештереү сифаты, сауҙа нөктәләре нисек йыш тикшерелә - контроль даими булырға тейеш.