Үлем сәбәбе - “шаярыу”

Башҡортостан буйынса Тәфтиш комитеты 14 йәшлек ҡыҙҙың үлем сәбәбен асыҡлай. 22 октябрҙә өс үҫмер Өфөнөң «Ғаилә» сауҙа үҙәгенең бәҙрәф бүлмәһенә ингән. Ниндәйҙер мәлдә 14 йәшлек ҡыҙ аңын юғалтҡан. Эргәләге кешеләр «ашығыс ярҙам» саҡыртҡан.

Табиптар уҡыусыны дауаханаға алып киткән. Реанимация сараларына ҡарамаҫтан, ул, аңына килмәйенсә, шул көндә үк вафат булған.

Рәсми раҫланмаған мәғлүмәт буйынса, үҫмерҙәр газ баллоны менән шаярған.