«Тыуған урам» проекты

Башҡортостанда быйыл 113 саҡрым юл ремонтланасаҡ. Ошо маҡсатта бер миллиард һум самаһы аҡса бүленә. Программа Хөкүмәт президиумы ултырышында ҡаралды. «Тыуған урам» проекты буйынса тәүлегенә 600 автомобиль үткән йә халҡы 1 меңдән ашҡан ауыл урамдары төҙөкләндереләсәк. Эштәр комплекслы алып барыласаҡ һәм тротуарҙар булдырыу ҙа күҙаллана. Программаға 400-гә яҡын ауыл инә.