Уйланырға урын бар

Эҫелек төрлө хәүеф тыуҙыра. Шулар иҫәбендә янғын - иң ҡурҡынысы. Шырпыһыҙ ҙа тоҡанырға торғанда һаҡлыҡ сараларын инҡар итмәгеҙ.

Белоретта урман яна. Шаһиттар белдереүенсә, янғын үләндән башланып киткән һәм ағастарға күскән. Эргәлә генә - тораҡ пункт. “Белореттың “Түбәнге ауыл” биҫтәһе янында урман янғыны тураһындағы рәсми мәғлүмәт буйынса Рәсәй Ғәҙәттән тыш хәлдәр министрлығының Башҡортостан буйынса Баш идаралығы, Урман хужалығы министрлығы белгестәре, ирекле янғын һүндереүселәр командалары йүнәлтелгән. Ауылға хәүеф юҡ.

Шаршамбы үҙебеҙҙә лә кешеләрҙең вайымһыҙлығы сәбәпле, Нәтәҙе тауында янғын сыға. Ярай, һәләк булыусылар юҡ. Ә ҡош-ҡорт, йәнлектәр… Тәбиғәт ҡосағына сыҡҡанда үҙегеҙҙе генә уйламағыҙ, һаҡ ҡарашта булығыҙ, сүп-сар, айырыуса быяла ярсыҡтары, тәмәке ташламағыҙ.

Фото pixabay.com