Ололар өсөн үҙизоляция тағы ике аҙнаға оҙайтыла

Инде йыл буйына тажлы зәхмәт беҙҙе үҙенең ҡыпсыуырында тота. Ҡайһы бер сикләүҙәр алыныуға ҡарамаҫтан, үҙебеҙ һәм яҡындарыбыҙҙың сәләмәтлеге өсөн һаҡлыҡ сараларын күҙәтеү мотлаҡ. Коллектив иммунитет булдырмайынса, ҡәһәрле вирус сигенмәйәсәк, шуға ла битлек һәм бирсәткә әлегә модала ҡала. Республиканың Һаулыҡ һаҡлау министрлығы хәбәре лә ҡыуанырлыҡ түгел, тажзәхмәт ҡорбан көҫәй: 11 февралгә пандемия башланғандан алып төбәктә 217 кеше, һуңғы тәүлектә өс кеше донъя ҡуйған - кемдәрҙер тағы ғәзиздәрен юғалтты… Бөтәһе 26 054 коронавирус осрағы раҫланған, шуларҙың 160-ы - һуңғы тәүлектә, 326 пациент стационарҙа дауалана. Уларҙың 39-ы - ауыр хәлдә. Ә 5 633 сирле - өйҙә.Тәүлек эсендә 207 дауахананан тыш пневмония осрағы раҫланған.

Шуға күрә Радий Хәбиров республикала 65 йәштән өлкәндәргә изоляция тәртибен 25 февралгә тиклем оҙайтты. Бер-беребеҙҙе һаҡлайыҡ, сәләмәт булайыҡ.

Фотолар интернеттың асыҡ сығанаҡтарынан.