Йәшен һуҡҡан

Йәй көнө бар халыҡ тәбиғәт ҡосағына ашыға. Берәүҙәр ял итергә, һыуҙа ҡойонорға, еләк-емеш, шифалы үлән йыйырға. Ә бына 53 йәшлек ҡатын ире менән ҡышҡылыҡҡа миндек әҙерләргә сыҡҡан.

Республиканың Ғәҙәттән тыш хәлдәр министрлығында Ауырғазы районында был ҡатынды йәшен атҡан. Бәхетһеҙ осраҡ 27 июндә Кесе Нуғаҙаҡ ауылында булған. Урманда ҡайын миндеге бәйләгән ҡатынға йәшен уғы тейгән. Ул урында йән биргән. Ире аңын юғалтҡан. Иҫенә килгәс, ҡатынына ярҙам итергә теләгән, ләкин һуң булған. Килеп еткән ашығыс ярҙам табиптары ҡатындың үлемен теркәгән.