Йәшлек дәрте менән алдырасаҡтар

Ергән мәҙәниәт йортонда йәш депутаттар ҡатнашлығында ултырыш үтте. Республика Йәш депутаттар ассоциацияһы рәйесе Владимир Яковлев үҙ сығышында: ”Ҡунаҡсыл Мәләүез еренә килеүем беренсе тапҡыр ғына түгел. Йәштәр яңы идея, план-маҡсаттар менән янып йәшәй. Урындағы проблемалы һорауҙарҙы власҡа еткереү, уны контролдә тотоу, көнүҙәк мәсьәләләр хәл итеүҙәәүҙем ҡатнашыуы яҡшы күренеш. Беҙгә бергә һәм әүҙем булырға кәрәк. Йәш деутаттарҙы нимәләр борсой, нимәләр эшләнгән һәм киләсәктә ниндәй маҡсаттар ҡуйылған - бөгөн ошо турала фекер алышырға саҡырам”, - тине.

Райондың Йәш депутаттар ассоциацияһы урындағы бүлексәһе рәйесе Динар Ибраһимов эш йомғағы тураһында сығыш яһаны. Территориаль һайлау комиссияһы рәйесе Татьяна Григина сентябрҙә уҙған һайлауҙар буйынса мәғлүмәт бирҙе. Аптраҡ ауыл биләмәһе советы депутаты Гөлгөнә Ҡаранаева ”БР Йәш депутаттар ассоциацияһының урындағы бүлексәһенең эш һөҙөмтәһе” темаһы менән таныштырҙы. Шулай уҡ фекер алышыуҙа район Хакимиәтенең йәштәр эше буйынса сектор мөдире Ринат Ғибәҙуллин, ассоциация ағзаһы Булат Биков сығыш яһаны.