Бөтә яңылыҡтар
Сәйәсәт
23 Ғинуар 2018, 14:03

Рәсәй Президентын һайлау үтәсәк

2018 йылдың 18 мартында Рәсәй Президентын һайлау үтәсәк. Ошо уңайҙан халыҡтың фекерен белер өсөн уларға мөрәжәғәт иттек.

2018 йылдың 18 мартында Рәсәй Президентын һайлау үтәсәк. Ошо уңайҙан халыҡтың фекерен белер өсөн уларға мөрәжәғәт иттек.
Блиц-интервью
Һәубәнова Рәзилә, 52 йәш:
Рәсәй Президентын һайлау минең өсөн мәртәбәле сара. Совет осоро кешеһе булғанғамы, һайлауға йөрөүҙе мотлаҡ тип һанайым. Химия заводында эшләгән ваҡытта ла төнгө сменала булғанда ла һайлауҙы ҡалдырмай торғайным. Алла бирһә, 18 мартта мотлаҡ барасаҡмын. Илебеҙ киләсәгенә битараф түгелмен.
Гөлсиә Сасалетина, 35 йәш:
Һайлауға йөрөргә тырышам. Әленән - әле йәштәргә ярҙам программалары тормошҡа ашырылып тора. Әлеге ваҡытта декрет ялындамын. Ирем эшләй, үҙемдең дә эшем бар. Дөйөм алғанда тормошомдан ҡәнәғәтмен. Илебеҙ халҡының хәле тағы ла яҡшырыр тигән өмөттәмен. Быйыл да һайлауға барырға уйлайым.