Ергәндәр ихлас

Ергән ауыл мәҙәниәт йортоноң беренсе ҡатында урынлашҡан 2586-сы һайлау участкаһында әүҙемлек төштән һуң артты. Көндөң беренсе яртыһында үҙешмәкәр артистар, мәктәп уҡыусылары ҡатнашлығында концерт номерҙары тәҡдим ителгән. Лилиә һәм Рауил Әбделмановтар, мәҫәлән, баҡса эштәрен тамамлап килгән. “Ғаиләбеҙҙең бындай сәйәси саранан ситтә ҡалғаны юҡ. Яҙмышыбыҙ хәл ителгәндә яуаплылыҡ тойғоһо өҫтөнлөк итә”, - ти улар.