Уҡыусылар әҙерләгән һүрәт конкурсы, ижади күргәҙмә эшләй.

2565-се һайлау участкаһы (Балалар сәнғәт мәктәбе) тауыш биреүселәрҙе күңелле музыка менән үҙенә әйҙәй. Һайлау участкаһы рәйесе Лада Лобанова һүҙҙәренә ҡарағанда, беренсе тауыш биреүселәргә бүләктәр тапшырылған. Был дәртәлндереү сараһы беренсе тапҡыр тауыш биреү хоҡуғына эйә 18 йәш гражданға ла ҡаралған. Исемлек буйынса 1220 һайлаусы теркәлгән участкала КОИБ эшләүе лә эште күпкә еңеләйтә. Беҙҙең ижади төркөм әүҙем тауыш биреүсе Венер Ғиләжетдинов менән әңгәмәләште. “Эшкә барғанға тиклем инеп сығырға булдым. Сәйәси сараның асыҡ һәм таҙа булыуына өмөтләнәм”, - тине ул.