Мин ни өсөн һайлауға барам?

Йәзилә Ҡобағошова, күп йылдар ҡалабыҙҙа етәксе вазифаларын атҡарған, хәҙер хаҡлы ялда: - Республикабыҙ бер быуат инде үҙ юлы менән бара, илебеҙҙең алға киткән төбәктәренә инә. Бында, һис шикһеҙ, һәр кемдең өлөшө бар. Башҡортостандың яҡты киләсәгенә өмөтләнәм. Ҡалабыҙҙа ла яҡшы үҙгәрештәр күҙәтелә. Күберәк предприятелар эшләһен, халыҡ Себер яҡтарына йөрөмәһен, эшһеҙлек булмаһын, дөйөм ятаҡтарҙағы ғибрәттәр, тәртипһеҙлек бөтһөн, етәкселек иғтибарын шунда йүнәлтһен ине, тигән теләктәмен.