Һәр тауыш мөһим

Республика халҡының яҙмышын хәл иткән сәйәси ваҡиғала йәштәр ҙә теләп ҡатнаша. Йылдағыса һайлау участкаларында 18 йәше тулып, тәүгә һайлаусыларға иҫтәлекле бүләктәр бирелде.

Меруэрт Әһлиуллина ла башҡортостандар өсөн мөһим ваҡиғанан ситтә ҡалманы. Улы Камил менән “Мәләүез һөт-консерва комбинаты” йәмғиәте ашханаһында урынлашҡан 2551-се һайлау участкаһына барып үҙенең, улының һәм бөтә республика халҡының тормошо тағы ла яҡшыраҡ яҡҡа үҙгәрһен тигән теләк менән, Башҡортостан Башлығы вазифаһына лайыҡлы тип иҫәпләгән кандидатҡа тауыш бирҙе.