Гражданлыҡ яуаплылығы бала саҡтан тәрбиәләнә

Ололарҙың, совет осоро баларының йәмәғәт эштәрендә әүҙемлеген, даими һайлауға йөрөүен ғәҙәти хәл булараҡ ҡабул итәбеҙ.

Ә тәрәнерәк уйлаһаң, был - бала саҡ ғәҙәте бит. Улар - кесе йәштән ил, халыҡ мәнфәғәтен өҫтөн ҡуйып үҫкән быуын. Ә ата-әсәгә эйәреп һайлауға килеү тик шатлыҡлы хис-тойғо, ыңғай тәьҫораттарға бәйле. Быйыл 4-се мәктәптәге 2566-сы участкала балаларҙы концерт, уйындарға йәлеп итеү менән бергә бала саҡтан гражданлыҡ яуаплылығы тәрбиәләү маҡсатында улар өсөн һайлау ойошторолған. Тәмлекәстәр һатылған сауҙа нөктәһенә ҡаршы улар өсөн кескәй урна ҡуйылған. Ниндәй ҡыуаныс, тулҡынланыу менән ҡатнаша кескәйҙәр был сарала. Киләсәктә лә иле өсөн янып йәшәгән үҙ иленең лайыҡлы граждандары булырҙар әле.