Мөһим сарала - заманса технологиялар

Росстатта Бөтә Рәсәй халыҡ иҫәбен алыу сараһына арналған онлайн-конференция үтте. Унда дәүләт статистика хеҙмәте етәксеһе Павел Малков һәм уның урынбаҫары Павел Смелов ҡатнашты. Һүҙ халыҡ иҫәбен алыуҙа ҡулланыласаҡ яңы технологиялар хаҡында барҙы.

Бөтә Рәсәй халыҡ иҫәбен алыуға ярты йылдан күберәк ваҡыт ҡалды. Октябрҙә уның беренсе этабына старт биреләсәк - төпкөл райондарҙа эш башлана. Тап унда заманса технологиялар һынау үтәсәк.

Цифрлаштырыу алымы халыҡ иҫәбен алыу һөҙөмтәләрен теүәл барларға ярҙам итәсәк.

Бөтә Рәсәй халыҡ иҫәбен алыу 2021 йылдың 1-ән 30 апрелгә тиклем дауам итә. Сара барышында иҫәп алыусылар махсус программаға көйләнгән планшеттар ҡуллана. Һәр кем «Дәүләт ярҙамы» порталында үҙ аллы мәғлүмәт бирә, иҫәп алыу участкаларынан тыш, күп функциялы дәүләт һәм муниципаль хеҙмәт күрһәтеү үҙәгендә теркәлә ала.