Конгэк
-14 °С
Болотло
75 лет Победы
Бөтә яңылыҡтар
Сәйәсәт
23 Декабрь 2020, 16:43

ИҪЕРТКЕС ЭСЕМЛЕКТӘР ҺАТЫУ СИКЛӘНӘ

Республикала яңы йыл каникулдарында иҫерткес эсемлектәр һатыу сикләнә.

Законға ярашлы, Башҡортостанда 3 ғинуарҙа алкоголь һатыу тыйылған. 4, 5 һәм 6 ғинуарҙа уны һатыу ваҡыты көндөҙгө сәғәт 2-нән иртәнге 10-ға тиклем сикләнгән.
Ошо өс көндә республика биләмәһендә иҫерткес эсемлектәр менән тәүлегенә дүрт сәғәт – иртәнге 10-дан көндөҙгө 2-гә хәтлем генә сауҙа итергә мөмкин.
Законда ҡаралған сикләүҙәр йәмәғәт туҡланыуы хеҙмәттәрен күрһәткәндә алкоголь һатыуға ҡағылмай – был көндәрҙә кафе-ресторандарҙа хәмер һатырға мөмкин.
Яңы йыл каникулдарында алкоголь менән сауҙа итеүҙе сикләүҙән тыш, Башҡортостанда Йәштәр көнөндә, Белем көнөндә һәм һабантуйҙар ойошторолған көндәрҙә «ҡоро закон» ғәмәлдә ҡала.
Лена ХӘЙРУЛЛИНА әҙерләне.