Радий Хәбировтың Мөрәжәғәтнамәләре йыл һайын үҙенсәлекле үтә. Депутаттарға, власть органдарына, барлыҡ республика халҡына арналған был сараға заманыбыҙ геройҙары ла саҡырыла.
– Ошондай белгестәр араһында республиканың атҡаҙанған табибы, медицина фәндәре докторы Алексей Пушкарев та бар. Апрелдә, Ғ. Ҡыуатов исемендәге Республика клиник дауаханаһында ауыр хәл барлыҡҡа килгәс, ул бүлексә мөдире булараҡ, коронавирус менән сирләгән пациенттарға тәүлек әйләнәһенә ярҙам күрһәтте. Вахта буйынса эшләне. Үҙе лә был мәкерле сир менән ауырыны, тик һауығыу менән кире эшкә сыҡты. Рәхмәт, һеҙгә Алексей Михайлович, ҡотҡарылған ғүмерҙәр һәм кешеләрҙең һаулығы өсөн, – тине Радий Хәбиров.