КӘРӘК ҺҮҘҘЕ МӘЛЕНДӘ ТАБАЙЫҠ

Төш юраусы уны бик борсолоп тыңлаған да: "Эй, батшам, һиңә күңелһеҙ хәбәр еткерергә тейешмен. Тиҙҙән бөтә яҡындарығыҙҙы юғалтасаҡһығыҙ», - тигән.

Был һүҙҙәр хакимдың асыуын килтергән. Һөҙөмтәлә уны бикләп ҡуйырға ҡушҡан. Хеҙмәтселәренә икенсе төш юраусыны килтерергә бойорған. Тегеһе төштө тыңлағандан һуң: "Мин һиңә һөйөнөслө хәбәр еткереүемә бик шатмын! Эй, батшам, һин бик бәхетлеһең, оҙон ғүмерлеһең... Һин бөтә туғандарыңдан оҙағыраҡ йәшәйәсәкһең”, - тигән.

Уның нисек юрауы хакимға ныҡ оҡшаған һәм ҡыуандырғаны өсөн төш юраусыны йомарт бүләкләгән.

Хаким янындағылар ҙа, башҡалар ҙа бик ғәжәпләнгән. “Икегеҙ ҙә төштө бер мәғәнәлә аңлаттығыҙ бит. Ни өсөн тәүгеһен язаға тарттырҙы, ә һине, киреһенсә, бүләкләне?” – тип һорағандар икенсе төш юраусынан.

Ул былай тип яуап бирә: “Эйе, беҙ икебеҙ ҙә төштө бер төрлө юраныҡ. Әммә эш уны нисек итеп әйтә белеүҙә ине”.

...Эйе, кәрәкле һүҙҙе тейешле ваҡытта һәм урында әйтә белеү, ә ҡайһы бер ҙә өндәшмәй ҡалыу ҙур аҡыл шул.

Лена АБДРАХМАНОВА тәржемәһе.