+28 °С
Болотло
Йәмғиәт
2 Май 2024, 07:35
Имен юлдар һеҙгә, илһөйәрҙәр!
Ғаяз Ҡолоев - махсус хәрби операция башланғандан алып әүҙем гуманитар ярҙам ойоштороусы егеттәрҙең береһе. “Я рядом, брат” ирекмәндәр ойошмаһы ағзалары йыйған матди ярҙам иҫәбенә УАЗ машинаһын 175 мең һумға һатып алып ремонтлап, ошо көндәрҙә УАЗ машинаһын Достовалов исемендәге батальон яугирҙәренә алып барырға йыйына. “Беҙ Мәләүез ирекмәндәре менән тығыҙ бәйләнештә хеҙмәттәшлек итәбеҙ. Был юлы ла маскировка селтәрҙәре менән ярҙам иттеләр”, - ти машина кабинаһына тултырып гуманитар ярҙам тейәп йөрөгән ваҡытта биш минуттай әңгәмәләшергә форсат тапҡан ирекмән. Өфөлә ҙур фураға тейәп яугирҙәргә тигән техниканы менән гуманитар ярҙамды алып барып бушатҡандан һуң, Ғаяз үҙ яйы менән ҡайтырға йыйына.
Имен юлдар һеҙгә, илһөйәрҙәр!
Яуҙа уның “Сталин” ҡушаматлы ҡустыһы йөрөй. Ә Достоваловсылар араһында “Худой”, “АБЗ”, Гриша” ҡушаматлы Ейәнсура егеттәре һуғыша. Тыуған яҡтан килгән ярҙам уларҙың рухын күтәрә.
Махсус хәрби операция биләмәһенә Ейәнсура ирекмәненең беренсегә генә барыуы түгел. Себерҙә эшләп, ялға ҡайтҡан арала үҙ аҡсаһына һатып алып, халыҡ телендә “буханка” тип йөрөтөлгән машина алып барғайны. Яңы йылдан һуң Унан һуң ейәнсуралар “Нива” тигән техника һатып алып, штурмлаусы яугирҙәргә тапшырған.
Илһөйәр Ейәнсура егете күрше Ырымбур өлкәһе, Һарыҡташ районына ҡараған “Ырымбур казактары” йәмғиәтендә лә тора, улар бергәләшеп гуманитар ярҙам йыйыу эшен әүҙем йәйелдергән. Ғаяз Ҡолоев кеүек рухлы, илһөйәр яҡташтар, беҙ һеҙҙең менән ғорурланабыҙ!
Имен юлдар һеҙгә, илһөйәрҙәр!
