Оло кешене хөрмәтләһәң, хөрмәт күрерһең

Һуңғы тиҫтә йылдар статистикаһы халыҡты социаль яҡлауҙың махсус учреждениеларына мохтаж кешеләр һаны артыуын күрһәтә. Ошондай стационарҙа булғандарҙың иң мөһим проблемаларының береһе -бинанан ситтә иркен йөрөү һәм аралашыу мөмкинлеге сикләнеүе.
Бөгөн Мәләүез бүлексәһендә 50-гә яҡын кеше йәшәй, улар араһында оло йәштәгеләр ҙә, инвалидтар ҙа бар. Учреждение уңайлы йәшәү шарттарын тәьмин итеү һәм кәрәкле социаль хеҙмәттәр күрһәтеү өсөн булдырылған. Бында квалификациялы белгестәр эшләй, улар һәр кешегә стационарҙа йәшәүгә яраҡлашырға ярҙам итә һәм уларҙың физик һәм эмоциональ именлеген тәьмин итә.

Бүлексә төрлө хеҙмәттәр тәҡдим итә, шул иҫәптән:
1. Медицина хеҙмәтләндереүе: врачтар даими тикшерә, медикаменттар ҡабул итеүҙә ярҙам итә һәм һаулыҡ торошон контролдә тота.
2. Психологик ярҙам: психологтар һәм социаль хеҙмәткәрҙәр яңғыҙлыҡ һәм депрессия менән көрәшергә ярҙам итә, төркөм дәрестәре һәм шәхси консультациялар ойоштора.
3. Социаль хеҙмәт: мәҙәни-ял саралары, оҫталыҡ дәрестәре һәм спорт уйындары үткәреү.
4. Туҡланыу: шәхси ихтыяждарҙы һәм медицина күрһәтмәләрен иҫәпкә алып, баланслы туҡланыу менән тәьмин итә.
5. Тәрбиә һәм ярҙам: квалификациялы персонал оло йәштәгеләрҙе һәм инвалидтарҙы көндәлек эштәрҙә ярҙам итеп тәрбиәләй.

Дилара БИКМӨХӘМӘТОВА, фельдшер: Оло йәштәгеләрҙе ҡарау айырым иғтибар һәм хәстәрлек талап итә. Организмдың йәшкә бәйле үҙгәреүе өлкән быуынға уңайлылыҡ һәм йәшәү сифатын тәьмин итеү өсөн мөһим булған үҙенсәлекле ихтыяждар барлыҡҡа килтерә.Күп кенә пациент хроник ауырыуҙарҙан яфалана, ә ул дөйөм хәлде насарайта һәм физик әүҙемлек кимәлен кәметә. Тик грамоталы ҡараш ҡына өлкән быуындың йәшәү сифатын яҡшыртырға һәм уларҙың көндәрен яҡты һәм шатлыҡлы итергә мөмкинлек бирә. Даими медицина тикшереүе, һаулыҡ күрһәткестәрен контролдә тотоу, табиптың тәҡдимдәрен үтәү — медицина хеҙмәткәре булараҡ беҙҙең төп бурысыбыҙ.

Социаль яраҡлашыу

Бүлексәнең төп бурыстарының береһе — өлкәндәрҙе йәмғиәткә яраҡлаштырыу. Бының өсөн социаль тормошто әүҙемләштереүгә йүнәлтелгән төрлө сара үткәрелә. Пациенттар байрамдарҙа, экскурсияларҙа ҡатнаша, шулай уҡ район ирекмәндәре һәм йәштәре менән аралаша. Аҙна һайын шаршамбы көнөндә ҡала китапханаһынан килгәндәрҙе түҙемһеҙлек менән көтөп алалар.

Марина ШИБАЕВА, бүлек мөдире: Шуны аңларға кәрәк: был учреждение үҙ аллы йәшәү мөмкин булмаған йәки ауыр хәлдә ҡалған күп кенә оло йәштәгеләр һәм инвалидтар өсөн йәшәү урыны булып тора. Махсус учреждениеларҙа йәшәү башҡа халыҡ менән аралашыу, персоналдың һөнәри тәрбиәһе һәм ойошторолған саралар ярҙамында аралашыу, иғтибар һәм йәмғиәт тарафынан үҙ әһәмиәтен таныу кәрәклеген ҡәнәғәтләндерергә мөмкинлек бирә. Аралашыу һәм хәстәрлек уларҙың әхлаҡи торошон һаҡлауҙа ҙур роль уйнай. Бында йәшәгәндәр барыһы ла яңғыҙ түгел, туғандары, таныштары килеп китһә, бигерәк ҡыуанабыҙ. Әлбиттә, үҙ-ара аралашыу бар, әммә ҡунаҡтарҙы ҙур түҙемһеҙлек менән көтөп алалар.Яҡындары менән даими аралашыу уларға яңғыҙлыҡ тойғоһонан ҡотолорға һәм кәйефен күтәрергә ярҙам итә.

Яҙмыш бит ул…
Бында йәшәгәндәрҙең күбеһе тормош иптәшенең үлеме йәки балалары булмауы арҡаһында яңғыҙ ҡалған. Ҡайһы берҙәрҙең туғандары эшләүе, күсеп китеүе йәки үҙ ауырыу булыуы сәбәпле оло йәштәге ата-әсәһен ҡарай алмай.
Бынан тыш, йәш сикләүҙәре һәм физик мөмкинлектәрҙең насарайыуы үҙ аллы тормошҡа ҡамасаулай. Кешеләр үҙҙәрен тулыһынса хеҙмәтләндереү һәләтен юғалта, даими медицина күҙәтеүенә һәм көнкүреш эштәрендә ярҙамға мохтаж.

Сәғүрә КӘРИМОВА: Бында йәшәүемдең төп сәбәбе — өйһөҙ ҡалыу. Янғын ҡапыл сыҡты һәм тиҙ арала бөтә йортто ялмап алды. Ҡотҡарыусыларҙың тырышлығына ҡарамаҫтан, өйҙө һаҡлап булманы. Тормош иптәшем дә вафат булды. Ә балаларыбыҙ юҡ. Бер көндө оло йәштәгеләрҙе ҡабул иткән стационар социаль хеҙмәтләндереү бүлеге барлығы тураһында ишеттем. Оҙаҡ уйланғандан һәм икеләнеүҙәрҙән һуң мөрәжәғәт иттем. Бында 8 йыл дауамында, уңайлы бүлмәлә персоналдың иғтибары һәм яңы таныштарменән дуҫлашып йәшәйем.

Бүлексә хеҙмәткәрҙәре пациенттарының ғаиләләре менән әүҙем хеҙмәттәшлек итә. Даими осрашыуҙар һәм саралар туғандарға яҡындарының тормошона ылыҡтырырға, шулай уҡ уларҙың һаулығы һәм дөйөм именлеге тураһында мәғлүмәт алырға мөмкинлек бирә.
Замир ӘБДЕЛМӘНОВ: Мин үҙем Ергәндән. Бында 15 йыл дауамында йәшәйем, бик оҡшай. Бына Усман Әбделмәнов менән бер бүлмәлә, беҙ туған түгел ул, ләкин яҡын дуҫтарбыҙ. Һәр кис беҙ бергәләп яңылыҡтар тураһында һөйләшәбеҙ, тәьҫораттар менән уртаҡлашырға һәм үткәндәрҙең сағыу мәлдәрен иҫкә төшөрәбеҙ. Баҡтиһәң, беҙҙең уртаҡ ҡыҙыҡһыныуҙар күп икән.

Стационар социаль хеҙмәтләндереү бүлексәләре кешеләргә ауыр ваҡыттарҙы кисерергә ярҙам итә, яҡшыраҡ киләсәккә ышанысын тергеҙә һәм яңы бәхетле тормошҡа өмөт бирә.

Яңы дуҫтар, яңы тормош
Ә хәҙер ошондай мөхәббәт тарихын күҙ алдына килтерегеҙ: ике кеше бер-береһен ошо учреждение бинаһында таба. Был беҙгә мөхәббәттең төрлө йәштә һәм төрлө шарттарҙа барлыҡҡа килеүе тураһында иҫкәртә.Улар икеһе лә яңғыҙ һәм бер осраҡлы осрашыу уларҙы ҡауыштырғансы бер-береһен белмәгән. Яйлап Роза Шафиҡова һәм Анатолий Бишев араһында йылы дуҫлыҡ барлыҡҡа килә, тиҙҙән ул тәрән хистәргә әүерелә.
Роза Шафиҡова: Ысын мөхәббәт йәшкә һәм булған шарттарға ҡарамай. Ғүмерҙең ҡалған өлөшөн ярҙамлашып, шатлыҡ, йылылыҡ менән уртаҡлашып, бергә йәшәргә булһын. Сөнки тормошта иң ҙур байлыҡ — яратыу.

Үҙеңде тыңлап, тирә-яҡтағыларҙың фекеренә ҡарамай, үҙгәрештәргә ҡаршы ҡыйыу барыу мөһим. Сөнки һайлау ирке йәмғиәттең һәр кешеһенә бәхетле һәм тулы хоҡуҡлы ағзаһы булырға мөмкинлек бирә.
Мәләүез районында оло йәштәге граждандарға һәм инвалидтарға стационар социаль хеҙмәтләндереү бүлеге — мөмкинлектәре сикләнгән йәки оло йәштәгеләр өсөн йәшәү урыны ғына түгел. Был йортта улар үҙҙәрен яҡланған, кәрәкле һәм бәхетле итеп тоя ала. Һөнәри команда һәм төрлө хеҙмәттәр арҡаһында, бүлексәлә йәшәүселәр тулы тормош алып бара ала.

10 октябрь-бөтә донъя психик(менталь) һаулыҡ көнө

Бөтә донъя психик һаулыҡ көнөнөң дөйөм маҡсаты-бөтә донъя психик һаулыҡ проблемалары тураһында хәбәрҙарлыҡты арттырыу һәм психик һаулыҡты нығытыу. Был көн психик сәләмәтлек мәсьәләләре менән шөғөлләнгән бөтә ҡыҙыҡһынған яҡтарға үҙ эше һәм психик сәләмәтлек тураһында хәстәрлек күреү бөтә донъя кешеләренә ысынбарлыҡҡа әйләнһен өсөн тағы нимә эшләргә кәрәклеге тураһында һөйләү мөмкинлеген бирә.

Психик һаулыҡ - ул именлек торошо, унда кеше үҙенең һәләттәрен тормошҡа ашыра, ғәҙәти тормош стресстарына ҡаршы тора, һөҙөмтәле эшләй һәм үҙ йәмғиәтенә өлөш индерә ала. Был психғай мәғәнәлә психик сәләмәтлек кешенең именлеге һәм йәмғиәттең һөҙөмтәле эшләүе нигеҙе булып тора.