Торлаҡ мәсьәләһе хәл ителә

Дәүләт йәштәрҙе торлаҡ менән тәьмин итеү йүнәлешендә төрлө программалар булдырҙы. Шуларҙың береһе - йәштәр өсөн ипотека. Артабан инде ғаиләлә балалар тыуған һайын ошо хаҡтың өлөшөнә дәүләт тарафынан ташлама яһала.

Район Хакимиәте Башлығының төҙөлөш буйынса урынбаҫары Игорь Федоров бындай ярҙамдың йәш ғаиләләр өсөн урынлы һәм мөһим икәнлеген билдәләне. Район Хакимиәте Башлығы Рөстәм Шәмсетдинов “БР архитектура һәм төҙөлөш комплексы үҫеше” дәүләт программаһына ярашлы, Ольга Вәлиуллина һәм Раиль Иҫәнғоловтар ғаиләһенә бала тыуыуға бәйле, ипотека кредитына социаль түләү хоҡуғы биргән Таныҡлыҡ(Сертификат) тапшырҙы, йәштәргә ғаилә именлеге, татыулыҡ теләне.