Конгэк
+24 °С
Болотло
75 лет Победы
Бөтә яңылыҡтар
Социаль мәсьәлә
28 Декабрь 2016, 14:10

Бәхетле мәл булып иҫтә ҡалһын үткән йылдың һәр сәғәте

Яңы йыл алдынан район-ҡаланың бер төркөм һәләтле уҡыусыһы Башҡортостан Дәүләт Йыйылышы - Ҡоролтай депутаты Николай Кураповтың бүләгенә лайыҡ булды.

Яңы йыл алдынан район-ҡаланың бер төркөм һәләтле уҡыусыһы Башҡортостан Дәүләт Йыйылышы - Ҡоролтай депутаты Николай Кураповтың бүләгенә лайыҡ булды.



Улар - мәктәп уҡыусылары бөтә Рәсәй олимпиадаһының муниципаль, республика этаптары, төрлө кимәлдәге фәнни-ғәмәли-тикшеренеү эштәре конференциялары, ижади конкурстар еңеүселәре, призерҙары, мәктәп һәм район-ҡаланың ижтимағи тормошонда әүҙем ҡатнашыусылар. Мәҫәлән, Нөгөш мәктәбе 9-сы класс уҡыусыһы Мәликә Яҡшыева Ломоносов уҡыуҙарында, “Киләсәккә аҙым” фәнни-ғәмәли конференцияһында III дәрәжәле диплом, “Глобус” халыҡ-ара, башҡорт теле һәм әҙәбиәте, Башҡортостан тарихы һәм мәҙәниәте буйынса төбәк олимпиадаларында еңеүсе исемен яулаған. Уҡыуҙағы юғары күрһәткестәре һәм район-ҡаланың йәмәғәт тормошонда әүҙем ҡатнашҡаны өсөн район Хакимиәте Маҡтау грамотаһы менән бүләкләнгән. 7-се мәктәптең 8-се класс уҡыусыһы Александра Петухова ла мәктәптең, район-ҡаланың ижтимағи тормошонда әүҙем ҡатнаша, уҡыуҙағы, төрлө ижади конкурстарҙағы, олимпиадаларҙағы һөҙөмтәләре бик яҡшы.


- Йәш быуындың интеллектуаль үҫеше - йәмғиәтебеҙҙең өҫтөнлөклө бурысы. Шуға күрә белем биреүҙең яңы технологияларын ғәмәлгә индереүгә, һәләтле балаларҙы асыҡлауға, уларҙы артабан үҫтереү өсөн шарттар булдырыуға республикала, шул иҫәптән районда ҙур иғтибар бүленә, - тине Николай Андреевич үҙенең ҡотлау сығышында. - Һеҙҙең кеүек һәләтле балаларҙы тәбрикләү - минең өсөн бигерәк ҡыуаныслы. Һеҙ, төрлө яҡлап үҫешкән йәштәр - илебеҙҙең киләсәге. Уның ниндәй булыуы һеҙҙең белемегеҙгә, илһөйәрлегегеҙгә, Ватанды яратыуығыҙға бәйле. Бөгөн йәштәргә бөтә ерҙә лә юл асыҡ.


Алдынғы уҡыусыларға күрһәткән иғтибары, уларҙың белемен, тырышлығын юғары баһалағандары өсөн бүләкләнгәндәр исеменән 3-сө гимназия уҡыусыһы Дарья Иванова депутатҡа рәхмәт белдерҙе.