Конгэк
+17 °С
Болотло
TelegramVKОКdzen
Талпандар ҡурҡып һеҙҙе урап үтәсәк
Бөтә яңылыҡтар
Социаль мәсьәлә
5 Декабрь 2017, 15:03

“Халыҡ мәнфәғәтен яҡлау - төп маҡсатым”

“Берҙәм Рәсәй” йәмәғәт ҡабул итеү бүлмәһендә БР Дәүләт Йыйылышы -Ҡоролтайдепутаты Альберт Мөсифуллин мәләүездәрҙе ҡабул итте.

“Берҙәм Рәсәй” йәмәғәт ҡабул итеү бүлмәһендә БР Дәүләт Йыйылышы -Ҡоролтай депутаты Альберт Мөсифуллин мәләүездәрҙе ҡабул итте. 30-ға яҡын кеше төрлө һорауҙар менән мөрәжәғәт итте. Ауыл клубы иҙәнен, яңыраҡ ремонт уҙған мәктәп ҡыйығын алмаштырыуҙа, ипотека мәсьәләһендә ярҙам, торлаҡҡа сертификат алыу, балалар майҙансығын кәртәләү, дауаханаға операцияға һәм торлаҡ өсөн түләү, дини йорт төҙөүгә булышлыҡ итеү, ер өсөн кадастр хаҡты кәметеү мөмкинлеге һымаҡ һорауҙар яңғыраны.
“Халыҡты шәхси һорау менән ҡабул итеү граждандарҙың проблемаһын яҡынданыраҡ белергә ярҙам итә. Уларҙың һәр береһенә шәхсән иғтибар талап ителә. Мөрәжәғәт менән килгәндәргә ҡулымдан килгәнсә ярҙам итергә тырышасаҡмын”, - тине БР Дәүләт Йыйылышы - Ҡоролтай депутаты Альберт Рәис улы. Мөрәжәғәттәр контролгә алынды.
Депутаттар килә, күп осраҡта ярҙам итә. Миңә нимәһе оҡшамай- ҡабул итеүгә килгәндәр араһында үҙҙәре лә аңламаған, төшөнөп етмәгән һорауҙар менән мөрәжәғәт иткәндәр осрай. Ҡыҙғанысҡа ҡаршы, был беренсе тапҡыр ғына түгел - ҡулыңда кәрәкле документ, дәлилләр яуабың булмай, юғары кимәлдәге депутатҡа ҡабул итергә яҙылыу кәрәкме икән!?
Автор фотоһы.
Читайте нас: