Аҙ килемле ғаиләләр иғтибарына!

Әсәлек капиталынан айлыҡ түләүгә ғариза ҡабул ителәПенсия фондының республикалағы район-ҡалаларындағыидаралыҡтары клиент хеҙмәттәре ғаиләләрҙән Әсәлек капиталынан айлыҡ түләүалыуға ғариза ҡабул итә башланы.

Әсәлек капиталынан айлыҡ түләүгә ғариза ҡабул ителә

Пенсия фондының республикалағы район-ҡалаларындағы идаралыҡтары клиент хеҙмәттәре ғаиләләрҙән Әсәлек капиталынан айлыҡ түләү алыуға ғариза ҡабул итә башланы. Ғаилә килеме уның һәр ағзаһы өсөн Рәсәй субъектында эшкә һәләтле йәштәгеләрҙең йәшәү минимумының 1,5 тапҡырлыҡ дәүмәленән артмаған ғаиләләрҙең генә был түләүгә хоҡуғы бар. Башҡортостанда айлыҡ түләүгә ғаиләнең килеме уның һәр ағзаһына һуңғы 12 айҙа 14247 һумдан кәмерәк булғандар ғына дәғүә итә ала.

Ғаиләнең дөйөм килемен иҫәпләгәндә хеҙмәт хаҡы, премия, пенсия, социаль пособие, стипендия, төрлө компенсация, алимент һәм башҡалар иҫәпкә алына. Ғәҙәттән тыш хәл менән бәйле федераль бюджеттан бер тапҡыр алған матди ярҙам суммаһы, банк депозитынан, мөлкәтте ҡуртымға биреүҙән алған килем иҫәпләнмәй. Әсәлек капиталынан айлыҡ түләүгә хоҡуҡты Пенсия фондының http://www.pfrf.ru/knopki/zhizn~4061 сайтында “Жизненные ситуации” бүлегендә урынлашҡан калькулятор ярҙамында белергә мөмкин.

Айлыҡ түләү күләме 2018 йылда Башҡортостанда 8892 һум тәшкил итә.

Уны билдәләүгә ғаризаны Пенсия фондына йәки күп функциялы үҙәккә бирергә кәрәк. Пенсия фонды идаралығында бер юлы ике ғариза бирергә мөмкин: сертификат алыуға һәм айлыҡ түләүгә. Шулай уҡ балаға СНИЛС алыу мөмкинлеген ҡулланырға була.

Ғаризаны икенсе бала тыуғандан алып йыл ярым эсендә биреү мөһим. Әгәр тәүге алты айҙа мөрәжәғәт итһәгеҙ, түләү бала тыуған көндән алып билдәләнә, йәғни мөрәжәғәт иткәнгә тиклемге айҙар өсөн дә аҡса түләнә. Алты айҙан һуң мөрәжәғәт иткән осраҡта, түләү ғариза тапшырған көндән тәғәйенләнә һәм балаға 1,5 йәш тулғансы түләнә, тәүге түләү осоро бер йылға иҫәпләнгән. Теләһәгеҙ, уны тағы оҙайтырға мөмкин, бының өсөн яңынан ғариза яҙырға кәрәк буласаҡ. Уны шулай уҡ туҡтатырға ла мөмкин.

Әгәр Әсәлек капиталы тулыһынса файҙаланылһа, балаға 1,5 йәш тулһа йәки ғаилә башҡа төбәккә күсһә, түләү туҡтатыла. 2018 йылда Әсәлек капиаталы 453 мең һум тәшкил итә.

РФ Пенсия фонды идаралығы.

Читайте нас:

Сайт общественно-политической газеты г. Мелеуз и Мелеузовского района Республики Башкортостан «Конгэк».

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 26 авгусында бирелгән ПИ № ТУ 02-01429-се һанлы теркәү тураһындағы таныҡлыҡ.

Баш мөхәррир Абдрахманова Л.А.

Электрон почта

[email protected]

Адресы

Башҡортостан республикаһы, Мәләүез ҡалаһы, Воровский урамы, 6-сы йорт.

Телефон

+7 (347-64) 3-52-07