Балаларға ярҙам итәйек!

Уның маҡсаты - ауыр хәлдә ҡалған ғаиләләргә уҡыу йылына әҙерләнергә ярҙам итеү.

Сараны үткәреү тураһындағы положениеға ярашлы, “Ғаилә” үҙәктәрендә, шулай уҡ уларҙың ҡала һәм райондарҙағы бүлексәләрендә халыҡтан һәм ойошмаларҙан мәктәп кәрәк-ярағы йыйыла. Канцелярия тауарҙары, китаптар, яҙыу-һыҙыу кәрәк - яраҡтары, портфель һәм мәктәп формалары һәм башҡа уҡыу өсөн кәрәк тип һаналған әйберҙәр килтерергә мөмкин. Уларҙың таҙа һәм бөтөн булыуы шарт.

Йыйылған кәрәк-яраҡ август аҙағында мөмкинлектәре сикләнгән, ишле һәм тулы булмаған ғаиләләрҙә тәрбиәләнеүселәргә тапшырыласаҡ.

Был сарала теләгән кеше ҡатнаша ала.