“Йәйләү” нимәнән башланды?

Мәктәп директоры Мораҙым Шаһмановтың һүҙҙәре буйынса, профилле лагерь ойоштороу идеяһын уҡытыусылар коллективы күтәреп ала. Быға тиклем балалар уҡыуҙар тамамланғас мәктәп янындағы лагерҙа ял иткән, әммә саралар тәрән программа буйынса уҙмаған. “Йәйләү” профилле лагерын ойоштороуҙо тормошҡа ашырыуға документтар әҙерләү күп ваҡытты алды тиһәң, хата булмаҫ. Уҡыусылар хәүефһеҙлеге беренсе сиратта булыуын күҙ уңында тотоп, бөтә инстанциялар һынауын уңышлы үттек. Ысын йәйләүҙәге һымаҡ тирмәбеҙ, майҙанда боронғо көнкүреш әйберҙәре ҡуйылған. Мәктәп биләмәһенә спорт уйындары өсөн ҡоролмалар ҡуйылды,- ти ул. 21 көн ял иткәндән һуң, балалар “Йәйләү” менән хушлашты. Был турала гәзиттең киләһе һанында тулыраҡ мәғлүмәт бирелә.