Федераль льготниктарға аҡсалата түләү

Федераль льготаһы булғандарға социаль хеҙмәт йыйылмаһы ҡаралған. Социаль пакеттың хаҡы айына 1121,42 һум тәшкил итә, һәм шул иҫәптән:

• 863,75 һум - кәрәкле дарыуҙар менән тәьмин итеү;

• 133,62 һум – шифахана-курортҡа йүнәлмә биреү;

• 124,05 һум – ҡала яны тимер юл һәм ҡала-ара транспортында дауаланыу урынына һәм кире ҡайтыуға юл хаҡы түләү.

Федераль льготаһы булған граждандар социаль хеҙмәт тупланмаһын ниндәй төрҙә алырға теләүен белдереп, 1 октябргә тиклем ғариза яҙырға кәрәк. Льгота формаһы һаҡланған осраҡта ғариза яҙыу кәрәкмәй. Киләһе йылдың 1 ғинуарынан үҙгәргән осраҡта Пенсия фондына мөрәжәғәт итеү мотлаҡ. Ғаризаны ведомствоның сайтына (www.pfrf.ru) инеп, “Граждандың шәхси кабинеты” аша ла бирергә мөмкин.

Мәләүез районы һәм ҡалаһында 6723 федераль льготник йәшәй. Уларҙы финанслау 2019 йылдың 7 айында 104305,5 һум тәшкил итә. Льготниктарҙың 90 проценты социаль хеҙмәтте аҡса формаһында ала.

Елена МЯЧИНА, Пенсия фонды район-ҡала идаралығы начальнигы.