Пенсияны ваҡытында алаһығыҙмы?

Рәсәй Пенсия фонды идаралығы райондың 25 меңдән ашыу гражданына төрлө пенсия һәм башҡа социаль түләүҙәр түләй. Шуларҙың 30,2 проценты почта элемтәһе бүлексәләре, 69,8 проценты - кредит ойошмалары һәм 0,03 проценты социаль хеҙмәтләндереү, холоҡ төҙәтеү учреждениялары аша ала. Аҡсаны ҡайҙан уңайлыраҡ алырға - пенсионер үҙе һайлай. Бының өсөн Пенсия фонды идаралығына йәки күп фунциялы үҙәккә килеп ғариза бирергә йәки уны шәхси сайт, дәүләт хеҙмәттәре порталы, эш биреүсе аша ебәреп була.

Йыл башынан районда 3000-дән ашыу кеше пенсия килтереүсеһен, шуларҙың 2594-е - Пенсия фондына бармайынса ғына алмаштырҙы.

Пенсияны түләү, килтереү тураһында мәғлүмәтте http://www.pfrf.ru/branches/bashkortostan/info/-viplata/. сайтында белергә мөмкин. Башҡортостан Республикаһы буйынса Пенсия фонды бүлексәһе Һаҡлыҡ банкы, Уралсиб (Өфө ҡалаһы), «Связь-Банк», «Росгосстрах Банк», «Восточный», «Совкомбанк», «ИнвесткапиталБанк» (Өфө филиалы), «Почта Банк» һәм башҡа кредит ойошмалары менән килешеү төҙөгән.