Өфөлә «Бәләкәй принцессалар балы» үтте

Сәләмәтлек мөмкинлектәре сикләнгән һәм опекалағы балалар өсөн «Бәләкәй принцессалар балы» Каринэ Хәбирова башланғысы менән ойошторола башланы.

Ул ҡатын-ҡыҙҙар көнө айҡанлы район-ҡалаларҙа һәм баш ҡалала үтте. Өфөлә уҙған мәрхәмәтлек сараһында беҙҙең райондан бөтәһе дүрт бала ҡатнашты. Унан алып ҡайтҡан тәьҫораттары менән Азалия Зәйнәғәбдинова һәм уның әсәһе Гөлнур Сырлыбаева бүлеште.

- Бик юғары кимәлдә ойошторолған был сара балаларҙан бигерәк, уларҙың атай-әсәйҙәре өсөн кәрәк. Үҙенсәлекле сабый тәрбиәләгәндәргә үҙ-ара аралашыу мөмкинлеге лә булды унда. Бәләкәстәргә иғтибар бүлгәндәргә һәм байрамды ойоштороусыларға ҙур рәхмәтемде еткерәм.