Мәләүездән Ишембайға тура юлды рәтләйҙәр

Воскресенскийҙан Мәләүез йүнәлешендә 5 км оҙонлоҡтағы участкала Мәләүез районында ресайклер ярҙамында нигеҙ нығытыла һәм асфальттың аҫҡы ҡатламы һалына. Бынан һуң юлсылар асфальт-бетон япмаһын яңырта, юл ситтәрен нығыта һәм билдәләр ҡуя. – Ишембай – Воскресенск-Мәләүез юлы Ишембай һәм Мәләүез райондарының ҙур һәм ҙур булмаған тораҡ пункттарын тоташтыра, унда 160 меңдән ашыу кеше йәшәй. Был трасса буйынса туристар шулай уҡ Xviii быуат архитектура ҡомартҡыһы тип танылған Верхотор баҡыр иретеү заводы комплексына барып етә ала. Ремонт һөҙөмтәһендә юлсылар республика халҡы һәм ҡунаҡтары өсөн хәүефһеҙ һәм уңайлы юл булдырасаҡ, – тип һөйләне Башҡортостан республикаһы Транспорт һәм юл хужалығы министрының беренсе урынбаҫары Виктор Жульков.

Юлдың был участкаһындағы бөтә эштәр 2026 йылдың аҙағына тиклем тамамланасаҡ. Быйыл «Тормош өсөн инфраструктура» милли проекты сиктәрендә Мәләүез һәм Ишембай райондарында Ишембай – Воскресенск – Мәләүез юлдарының 6,5 саҡрымы норматив хәлгә килтереләсәк. Хәтерегеҙгә төшөрәбеҙ, Башҡортостан Башлығы Радий Хәбиров ҡушыуы буйынса Ишембай – Воскресенск – Мәләүез юлын норматив хәлгә килтерәләр. Юлдың бер өлөшө ҡырсынташ менән ҡапланған була. Шуға күрә ҡайһы бер участкаларҙа юлсылар асфальт-бетон япма менән капиталь ремонт яһай. 2025 йылда Ишембай – Воскресенск – Мәләүез юлдарының 6 саҡрымына асфальт түшәлгән.